ភ្នំពេញ៖ ចេញផ្សាយ ថ្ងៃអង្គារ៍ ៤រោច ខែជេស្ឋ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី៩ ខែមិថុនា ឆ្នាំ២០២០។ ពិតជាត្រូវរ៉ូវគ្នាបានល្អមែនគ្រាន់តែអ្នកសារព័ត៌មានយើងបានរាយការណ៍ជូនលោកអធិការស្រុកមេមត់ភ្លាមក៏មានអ្នកមេីលការខុសត្រូវសង្វៀនញ្ជល់មាន់និងអាប៉ោងយកលេខទូរសព្ទរបស់អ្នកសារព័ត៌មានយើងមកសួរនាំភ្លាម ត្បូងឃ្មុំ៖ សង្វៀនបញ្ជល់មាន់ដុះស្លែដែលទើបនឹងប្ដូរទីតាំងមកលេងនៅភូមិបាតជើងតាព្រហ្មឃុំមេមត់ស្រុកមេមត់ខេត្តត្បូងឃ្មុំបាននិងកំពុងបើកលេងយ៉ាងរលូននៅក្នុងចម្ការកៅស៊ូក្រោយវត្តប្រសូត្រនឹងចូលតាមចំហៀងរបងវត្តប្រសូតកំពុងតែបានបើកលេងយ៉ាងរលូននិងមានការបើកភ្លើងខៀវពីសមត្ថកិច្ចទៀតផង។ តាមប្រភពព័ត៌មានពីបងប្អូនប្រជាពលរដ្ឋដែលរស់នៅក្នុងភូមិបាតជើងតាព្រហ្មបានឲ្យដឹងថាទីតាំងសង្វៀនបញ្ជល់មាន់ខាងលើនេះទើបនឹងផ្លាស់ប្ដូរមកពីភូមិខ្នងក្រពើលិច ឃុំមេមត់ស្រុកមេមត់ ខេត្តត្បូងឃ្មុំពួកគាត់បានបន្តទៀតថាព្រោះតែទីតាំងចាស់នៅភូមិខ្នងក្រពើលិចមានអ្នកប្ដឹងនិងរាយការណ៍ទៅសមត្ថកិច្ចច្រើនពេកក៏ផ្លាស់មកដាក់នៅភូមិបាតជើងតាព្រហ្មវត្តប្រសូត្រហើយនៅទីតាំងចាស់ភូមិខ្នងក្រពើលិចនោះក៏មិនមានការរុះរើឡើយគឺរក្សាទុកនៅដដែលសម្រាប់ផ្លាស់ប្ដូរពីកន្លែងថ្មីទៅកន្លែងចាស់វិញពាក់ព័ន្ធនឹងទីតាំងសង្វៀនបញ្ជល់មាន់និងអាប៉ោងដ៏ធំខាងលើនេះផងដែរសារព័ត៌មានយើងបានទូរស័ព្ទរាយការណ៍ជូនទៅលោកហុង គឹមហឿន អធិការស្រុកមេមត់ពាក់ព័ន្ធនឹងទីតាំងសង្វៀនបញ្ជល់មាន់ខាងលើតែបែរជាលោកអធិការស្រុកបានឲ្យលេខទូរសព្ទក្រុមការងារអង្គភាពសារព័ត៌មានយើងទៅម្ចាស់ទីតាំងបនល្បែងដ៏ធំខាងលើចេញមុខមកជួបហើយសួរបញ្ជាក់ថាលេខទូរសព្ទនេះជាលេខរបស់បងមែនឬមិនមែនយើងក៏បានប្រាប់គាត់ថាលេខនេះគឺជាលេខដែលខ្ញុំបាទបានទូរសព្ទរាយការជូនលោកអធិការស្រុកហេតុអ្វីបានជាបងបានលេខខ្ញុំនេះមកពីណា?...
