អ្នករកស៊ីផ្លូវភេទថៃដល់២សែន នាក់បាត់បង់ការងារដោយ កូវីដ១៩តែមិនទទួលបានជំនួយសង្គ្រោះ
អន្តរជាតិ៖អ្នកផ្តល់សេវាផ្លូវភេទរាប់ម៉ឺននាក់នៅប្រទេសថៃមិនទទួលបានជំនួយសង្គ្រោះពីរដ្ឋាភិបាលទេ ក្នុងអំឡុងពេលបិទប្រទេស ដើម្បីទប់ស្កាត់ការឆ្លងរាលដាលជំងឺកូវីដ១៩នេះ។ទោះជាពួកគេធ្លាប់បានចូលរួមជួយឱ្យវិស័យ ទេសចរណ៍របស់ថៃរីកដុះដាលខ្លាំងក្តី។
ស៊ូផានី ពង់រឿងផាន នាយកគំរោង”សមភាពជេនឌ័រនិងការរាប់បញ្ចូលក្នុងសង្គម “នៅកម្មវិធីអភិវឌ្ឍន៍អង្គការសហប្រជាជាតិ បាននិយាយថា ការអង្កេតរបស់ទីភ្នាក់ងាររបស់លោកស្រីបង្ហាញថា«អ្នករកស៊ីផ្លូវភេទដល់ទៅ២០០.០០០នាក់នៅថៃបានបាត់បង់ការងារភ្លាមៗ នៅពេលរដ្ឋាភិបាលបញ្ជាឱ្យបិទទីតាំងជីវិតរាត្រី កាលពីចុងខែមីនាដើម្បីទប់ស្កាត់ការឆ្លងរាលដាលកូវីដ១៩។
