សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាចេញអនុក្រឹត្យបញ្ចប់មុខតំណែងទីប្រឹក្សា ជំនួយការ លេខាធិការ និងមន្ត្រីមានឋានៈស្មើនៅក្រសួងចំនួន៤

ភ្នំពេញ៖ ចេញផ្សាយ ថ្ងៃអង្គារ៍  ១១រោច ខែជេស្ឋ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១៦ ខែមិថុនា ឆ្នាំ២០២០។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យបញ្ចប់មុខតំណែងទីប្រឹក្សា ជំនួយការ លេខាធិការ និងមន្ត្រីដែលមានឋានៈស្មើអមថ្នាក់ដឹកនាំ និង ក្រសួងចំនួន ៤។
តាមអនុក្រឹត្យលេខ ៥៥១ អនក្រ.តតចុះថ្ងៃទី១០ ខែមិថុនាឆ្នាំ ២០២០ រាជរដ្ឋាភិបាលសម្រេចបញ្ចប់មុខតំណែងទីប្រឹក្សា ជំនួយការ លេខាធិការ និងមន្ត្រីដែលមានថ្នាក់ស្មើ អមថ្នាក់ដឹកនាំនិងអមក្រសួង នៅក្រសួងយុត្តិធម៌ ក្រសួងប្រៃសណីយ៍និងទូរគមនាគមន៍ក្រសួងធម្មការនិងសាសនា និងក្រសួងមុខងារសាធារណៈ ដែលបានតែងតាំងដោយអនុក្រឹត្យមុនថ្ងៃទី ២០ខែមីនាឆ្នាំ ២០២០។