ទិវាមនុស្សចាស់កម្ពុជា និងអន្តរជាតិ សម្ដេចចៅហ្វាវាំង គង់ សំអុល អញ្ជើញនាំយកព្រះរាជអំណោយដ៍ថ្លៃថ្លា ចែកជូនជនចាស់ជរាចំនួន ៤៦៥នាក់
ចេញផ្សាយថ្ងៃសុក្រ ១០រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ១ ខែ តុលា ឆ្នាំ២០២១។
ខេត្តកំពង់ឆ្នាំង៖ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទានព្រះរាជអំណោយដ៍ថ្លៃថ្លា តាមរយៈសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ឧបនាយកនាយករដ្ឋមន្ត្រី និងជារដ្ឋមន្ដ្រីក្រសួងព្រះបរមរាជវាំង ដើម្បីចែកជូនជនចាស់ជរាចំនួន ៤៦៥នាក់ ដែលមានជីវភាពក្រីក្រ និងគ្មានទីពឹងកំពុងជួបប្រទះការខ្វះខាត នៅឃុំចំនួន០៥ ក្នុងស្រុកជលគីរី ខេត្តកំពង់ឆ្នាំង ក្នុងទិវាមនុស្សចាស់កម្ពុជា និងទិវាមនុស្សចាស់អន្តរជាតិ (០១ តុលា) នាព្រឹកថ្ងៃទី០១ ខែតុលា ឆ្នាំ២០២១។
information.gov.kh Sourcing
