បុរសបើកបរម៉ូតូម្នាក់បានបាត់បង់ជីវិតភ្លាមៗដោយសារប៉ះរថយន្តដែលបើកស្របទិសគ្នា
ចេញផ្សាយថ្ងៃសុក្រ ៣កើត ខែអាសាឍ ឆ្នាំខាល ចត្វាស័ក ព.ស ២៥៦៦, ត្រូវនឹងថ្ងៃទី១ ខែកក្កដា ឆ្នាំ ២០២២
បុរសបើកបរម៉ូតូម្នាក់បានបាត់បង់ជីវិតភ្លាមៗដោយសារប៉ះរថយន្តដែលបើកស្របទិសគ្នា
ព្រះសីហនុ៖ បុរសម្នាក់បានស្លាប់ភ្លាមៗក្រោយជួបគ្រោះថ្នាក់ចរាចរណ៍នៅស្រុកព្រៃនប់សមត្ថកិច្ចប្រាប់ថា បុរសអ្នកបើកបរម៉ូតូម្នាក់បានស្លាប់ ដោយគ្រោះថ្នាក់ចរាចរណ៏ រវាងរថយន្តនិងម៉ូតូ វេលាម៉េាងជិត៨យប់ថ្ងៃទី៣០ខែមិថុនាឆ្នាំ ២០២២ លេីផ្លូវជាតិលេខ៤ ចន្លោះគីឡូម៉ែត្រ ១៨០- ១៨១ ក្នុង ឃុំវាលរេញ ស្រុកព្រៃនប់ ខេត្តព្រះសីហនុ ទិសដៅស្របគ្នា សមត្ថកិច្ចឲ្យដឹងបន្ថែមថា ភាគីម៉ូតូម៉ាកwav RSXស្លាកលេខភ្នំពេញ1CY-9607ទិសដៅពី ភ្នំពេញ -ព្រះសីហនុ អ្នកបើកបរឈ្មោះ សេង ម៉េងឡាយ ភេទប្រុស អាយុ២៥ឆ្នាំមុខរបរជាងជួសជុលរថយន្ត រស់នៅភូមិវាលមាសឃុំវាលរេញស្រុកព្រៃនប់ខេត្តព្រះសីហនុស្លាប់នៅនឹងកន្លែងកើតហេតុ ចំណែកភាគីខាងរថយន្តមិនទាន់ស្គាល់អត្តសញ្ញាណនៅឡើយ ដោយអ្នកបើកបរបើករត់គេចខ្លួនបាត់សមត្ថកិច្ចបានប្រគល់សាកសពជូនគ្រួសារធ្វើបុណ្យតាមប្រពៃណីយ៌ និងបន្តស្រាវជ្រាវរកភាគីខាងរថយន្ត ដោះស្រាយតាមនិតិវិធី៕
ទំនាក់ទំនងការផ្សាយ៖ 077 949441 – 096 994 9441 – 071 223 1111
