បុរសម្នាក់ធ្លាក់ពីលើអគារ៥ជាន់ស្លា..ប់ ម្ចាស់ការដ្ឋានមិនសហការជាមួយសមត្ថកិច្ចមូលដ្ឋានបញ្ជូនសពទៅស្រុកកំណើតដោយចិត្តឯង…!
បុរសម្នាក់ធ្លាក់ពីលើអគារស្លា..ប់ ម្ចាស់ការដ្ឋានមិនសហការជាមួយសមត្ថកិច្ចមូលដ្ឋានបញ្ជូនសពទៅស្រុកកំណើតដោយចិត្តឯង…!
ភ្នំពេញ៖ បុរសជាកម្មករសំណង់ម្នាក់ បានធ្លាក់ពីលើអគារកំពុងសាងសង់ មួយកន្លែងមានកំពស់៥ជាន់ បណ្តាលអោយរងរបួសធ្ងន់ ហេតុការនេះកើតឡើងនៅថ្ងៃទី០៥ ខែកក្កដា ឆ្នាំ២០២៣ វេលាម៉ោងប្រហែល៨យប់ ទីតាំងកើតហេតុស្ថិតនៅផ្លូវលេខ១៤១ សង្កាត់វាលវង់ ខណ្ឌ៧មករា រាជធានីភ្នំពេញ។
បន្ទាប់មកក៏មានរថយន្តគ្លីនិកឯកជនសម្ភពសោភា ដឹកយកទៅសង្គ្រោះបន្ទាន់នៅឯមន្ទីរពេទ្យកាល់ម៉ែត្រ តែជាអកុសលបុរសខាងលើក៏បានស្លា..ប់តាមផ្លូវ បន្ទាប់មករថយន្តឯកជនខាងលើ បានដឹកសពជនរងគ្រោះនោះ ទៅស្រុកកំណើត ដោយមិនបានរាយការណ៍ទៅកាន់សមត្ថកិច្ចមូលដ្ឋានដើម្បីធ្វើកោសលវិច័យឡើយ។
លុះរហូតមកដល់ព្រឹក ថ្ងៃទី៦ ខែកក្កដា ឆ្នាំ២០២៣ ទើបបង្កការភ្ញាក់ផ្អើល ដល់សមត្ថកិច្ច អាវុធហត្ថ និង លោកអភិបាលខណ្ឌ ចុះមកដល់ចំណុចទីតាំងកន្លែងកើតហេតុតែម្តង។
សពមានឈ្មោះ ធុល ពិសិដ្ឋ ភេទ ប្រុស កើតថ្ងៃទី០៤ ខែ០៥ ឆ្នាំ២០០២ ទីកន្លែងកំណើតឃុំឬស្សីស្រុក ស្រុកពាមជរ ព្រៃវែង។
