ព្រឹកថ្ងៃទី២ ខែធ្នូ ឆ្នាំ២០២០នេះអាម៉េរិក រកឃើញអ្នកឆ្លងកូវីដ១៩ថ្មី ជាង១៦ម៉ឺននាក់ និងជាង ២ពាន់នាក់ស្លាប់
ភ្នំពេញ៖ ចេញផ្សាយ ថ្ងៃពុធ ២រោច ខែមិគសិរ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២ ខែធ្នូ ឆ្នាំ២០២០។
(អន្តរជាតិ)៖ យោងតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ចេញពីគេហទំព័រអន្តរជាតិ Worldometer បានបង្ហាញថា នាព្រឹកថ្ងៃទី២ ខែធ្នូ ឆ្នាំ២០២០នេះ សហរដ្ឋអាម៉េរិក បានរកឃើញករណីឆ្លងថ្មីសរុប ១៦៣,៩៧១នាក់ និងអ្នកជំងឺសរុប ២,៤៣៥នាក់ បានស្លាប់។
សូមបញ្ជាក់ផងដែររហូតមកដល់ពេលនេះ សហរដ្ឋអាម៉េរិក ឈរនៅកំពូលតារាងនៃចំនួនអ្នកឆ្លងច្រើនជាងគេ ដែលគិតត្រឹមព្រឹកនេះផងដែរ អាម៉េរិកមានមនុស្សសរុប ១៤,០៩០,២៨៩បានឆ្លង, ជាង២៧ម៉ឺននាក់ស្លាប់។
គួរបញ្ជាក់ផងដែរថា គិតត្រឹមម៉ោង ៧ព្រឹក ថ្ងៃទី២ ខែធ្នូ ឆ្នាំ២០២០នេះ ចំនួនឆ្លងជំងឺ កូវីដ១៩ នៅទូទាំងពិភពលោក បានកើនឡើងដល់៦៤,១៤៨,៨២៦ករណី ហើយក្នុងនោះមនុស្សសរុប ១,៤៨៥,៤៣៧នាក់ស្លាប់ និងជាង ៤៤លាននាក់ បានជាសះស្បើយឡើងវិញ។
តាមតួរលេខចេញពី worldometer ខាងលើនោះ បានបញ្ជាក់ថា រហូតមកដល់ពេលនេះ កូវីដ១៩ បានឆ្លងរាតត្បាតចូលដល់ប្រទេស និងឧបទ្វីបចំនួន ២១៥ហើយ៕
ប្រភព៖ www.information.gov.kh
