វិទ្យាស្ថានស៊ីអ៊ីអូ បានប្រារព្វពិធីបើកបវេសនកាលថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ ឆ្នាំសិក្សា២០២១ នៅអគារ CEO Building
ភ្នំពេញ៖ ចេញផ្សាយ ថ្ងៃសុក្រ ៨កើត ខែផល្គុន ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី១៩ ខែកុម្ភៈ ឆ្នាំ២០២១
នៅព្រឹកថ្ងៃទី១៦ ខែកុម្ភៈ ឆ្នាំ២០២១ វិទ្យាស្ថានស៊ីអ៊ីអូ បានប្រារព្វពិធីបើកបវេសនកាលថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ ឆ្នាំសិក្សា២០២១ នៅអគារ CEO Building ជាប់ស្ពានដែក ចំការដូង ខណ្ឌដង្កោ រាជធានីភ្នំពេញ ក្រោមអធិបតីភាព លោកគ្រូ អោម សេងបូរ៉ា ប្រធានក្រុមប្រឹក្សាភិបាលវិទ្យាស្ថានស៊ីអ៊ីអូ លោកគ្រូ ស៊ាន ធនិន នាយកវិទ្យាស្ថានស៊ីអ៊ីអូ លោកគ្រូ ចាប វិធូរ ព្រឹទ្ធបុរសថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ សាស្ត្រចារ្យ ឧកញ៉ា ម៉ន សុខា អគ្គនាយកក្រុមហ៊ុន U Trust Investment និងតំណាងនិយោជក ព្រមទាំងនិស្សិតឆ្នាំសិក្សាថ្មី ២០២១។
ក្នងថ្ងៃដ៏ពិសេសនេះ លោកគ្រូ អោម សេងបូរ៉ា ស្ថាបនិក និងប្រធានក្រុមប្រឹក្សាភិបាលវិទ្យាស្ថានស៊ីអ៊ីអូ បានផ្តល់ជាចំណាប់អារម្មណ៍សំណេះសំណាល និងបានបង្ហាញពីចក្ខុវិស័យក៏ដូចជាបេសកម្មរបស់វិទ្យាស្ថានជូនដល់និស្សិតទាំងអស់។ គឺចង់បង្វឹកយុវជនដែលទើបចប់ទី១២ឲ្យបានរៀនជំនាញគ្រប់គ្រងពាណិជ្ជកម្មអន្តរជាតិដើម្បីក្លាយខ្លួនជាបុគ្គលិកពូកែ អ្នកដឹកនាំពូកែ និងអ្នករកស៊ីពូកែ ដើម្បីក្លាយជាអ្នកមានថ្ងៃអនាគត។
លោកឧកញ្ញ៉ា ម៉ន សុខា ជាស្ថបនិកក្រុមហ៊ុនយូត្រាស់អុិនវេសមុិនឯក Utrust Investment Co,.Ltd និងជាប្រធានសមាគមអ្នកអភិវឌ្ឍន៍ដីឡូតិ៏កម្ពុជា (CLDA)មានប្រសាស៍គាំទ្រពេញទំហឹងលើបេសកកម្ម របស់វិទ្យាស្ថាន ក្នុងនោះលោកក៏បានពន្លេចថា រៀនបង្កើនចំណេះ ចេះបង្កើនជំនាញ យកជំនាញអនុវត្តបង្កើនចំណូល ឈានជើងធ្វើជំនួញ ដើម្បីរកផលចំណេញជួយសេដ្ឋកិច្ចកម្ពុជា។
_______________
អត្ថបទ៖ លោក នាង រុន
ទំនាក់ទំនងផ្សព្វផ្សាយ៖ 098737324/012240038
