បណ្ដាញខ្សែកាបអ៊ុបទិកនៅលើអាកាសក្នុងក្រុងសៀមរាប នឹងលែងមានបន្តទៀត ចាប់ពីឆ្នាំ២០២៣តទៅ !
ភ្នំពេញ៖ ចេញផ្សាយ ថ្ងៃច័ន្ទ ៦កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ១៧ ខែ ឧសភា ឆ្នាំ២០២១។
ខេត្ដសៀមរាប៖ បណ្ដាញខ្សែកាបអ៊ុបទិកនៅលើអាកាសក្នុងក្រុងសៀមរាប នឹងលែងមានបន្តទៀត ចាប់ពីឆ្នាំ២០២៣តទៅ !
លោក សុខ សីហា ប្រធានមន្ទីរប្រៃសនីយ៍ និង ទូរគមនាគមន៍ ខេត្ដសៀមរាប បានឲ្យ ដឹងកាលពី ថ្ងៃទី១៦ ខែឧសភា នេះថា បច្ចុប្បន្ននេះ ក្រុមការងារពាក់ព័ន្ធ រួមមាន អង្គភាពអគ្គិសនី រដ្ឋករទឹក និងក្រុមការងារសាងសង់ផ្លូវ ៣៨ខ្សែក្នុងក្រុងសៀមរាប បានសហការគ្នា កំពុងមមាញឹក ត បណ្ដាញ ខ្សែកាបទាំងអស់ដាក់ចូលក្នុងបំពុងកប់ ក្រោមដីនៅតាមផ្លូវសំខាន់ៗមួយចំនួនដើម្បីធ្វើយ៉ាងណាលែងអោយមានខ្សែកាប ទាំងអស់មាននៅលើអាកាសបន្ដទៀត ប៉ុន្ដែ ដោយឡែកផ្លូវតូចៗ នៅតែមានដដែល ។
