មេឃបានបង្អុរភ្លៀងមួយមេធំធ្វើឲ្យមានការលិចទឹកចូលផ្លូវក្រោមដីនៃស្ពានអាកាសរង្វង់មូលចោមចៅទី៣ និងជនលិចតាមដងផ្លូវមួយចំនួនផងដែរ។
កណ្តាល៖ ចេញផ្សាយថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ២ ខែ កញ្ញា ឆ្នាំ២០២១។
មេឃបានបង្អុរភ្លៀងមួយមេធំធ្វើឲ្យមានការលិចចូលផ្លូវក្រោមដីនៃស្ពានអាកាសរង្វង់មូលចោមចៅទី៣ និងជនលិចតាមដងផ្លូវមួយចំនួនផងដែរ។
រាជធានីភ្នំពេញ ៖ នៅវេលាម៉ោង៤:៣៥នាទីរសៀលថ្ងៃទី០១ ខែកញ្ញា ឆ្នាំ២០២១នេះ មេឃបានបង្អុរភ្លៀងមួយមេធំនៅក្នុងភូមិសាស្ត្ររាជធានីភ្នំពេញ ជាពិសេសផ្លូវក្រោមដីនៅស្ពានអាកាសរង្វង់មូលចោមចៅទី៣ និងធ្វើឲ្យមានការជន់លិចនៅតាមដងផ្លូវមួយចំនួន បានបង្កឱ្យមានការកកស្ទះចរាចរណ៍ជាច្រើនម៉ោង ផងដែរ ។
គួរម្លឹកផងដែរថា លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ ធ្លាប់ប្រាប់ឲ្យបានដឹងផងដែរថា៖ គម្រោងស្ថាបនាស្ពានអាកាស និងផ្លូវក្រោមដីចោមចៅ បើគិតមកដល់ត្រឹមចុងខែសីហា ឆ្នាំ២០២១នេះ ការសាងសង់ទាំងមូល សម្រេចលទ្ឋផលបាន ៨០ភាគរយ នៃគម្រោងហើយ ខណៈតាមកម្មវិធីការងារ ការដ្ឋាននេះ នឹងបញ្ចប់ការសាងសង់នៅចុងខែមីនា ឆ្នាំ២០២២ ខាងមុខ ដើម្បីសម្រួលចរាចរណ៍ជូនប្រជាពលរដ្ឋ ។ លោកបន្តថា ស្ពាននេះទទួលម៉ៅការសាងសង់ដោយក្រុមហ៊ុនវិនិយោគទុនដោយប្រើប្រាស់ការសាងសង់ ក្នុងរយៈពេល៣០ខែ និងចំណាយថវិកាសាងសង់ប្រមាណ២២លានដុល្លារអាមេរិក ។
អ្វីដែលសំខាន់ទៅតៀតនោះ ស្ពានអាកាស និងផ្លូវក្រោមដីនៅចំណុចរង្វង់មូលចោមចៅទី៣នោះ មានបំពាក់បង្គោលភ្លើងបំភ្លឺផ្លូវ រៀបចំបណ្តាញជុំវិញបរិវេណស្ពានអាកាស និងអាងស្តុកទឹកក្រោមដី មានទាំងបំពាក់ម៉ូទ័របូមទឹកដោយស្វ័យប្រវត្តិផងដែរ ៕
