អគ្គស្ថានីយវិទ្យុនិងទូរទស្សន៍មជ្ឈិមចិនបានរៀបចំរាត្រី សមោសរអបអរសាទរបុណ្យ ចូលឆ្នាំថ្មីចិនឆ្នាំ២០២២
ចេញផ្សាយថ្ងៃអង្គារ៍ ១៥រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ១ ខែកុម្ភៈ ឆ្នាំ២០២២។
អន្តរជាតិ៖ កាលពី ថ្ងៃទី៣១ ខែមករា ជាថ្ងៃដាច់ឆ្នាំចាស់តាមចន្ទគតិចិន អគ្គស្ថានីយវិទ្យុនិងទូរទស្សន៍មជ្ឈិមចិនបានរៀបចំរាត្រីសមោសរអបអរសាទរបុណ្យចូលឆ្នាំថ្មីចិនឆ្នាំ២០២២ដែលប្រកប ដោយភាពទាក់ទាញយ៉ាងខ្លាំង ។
ចម្រៀងនិងរបាំដ៏ស្រស់ស្អាត រឿងកំប្លែងខ្លីៗដ៏គួរឱ្យអស់ សំណើច កម្មវិធីវេទមន្តនិងសៀកដែលប្រកបដោយអាថ៌កំបាំងនិងគ្រោះថ្នាក់ ព្រមទាំងកម្មវិធីដែលមាន គំនិតច្នៃប្រឌិតលាយបញ្ចូលគ្នាបែបអនាគតនិងវិទ្យា សាស្ត្របច្ចេកវិទ្យាបានកំដរទស្សនិកជនរាប់រយលាននាក់នៅទូទាំងពិភពលោក អបអរទទួលយប់ដាច់ឆ្នាំចាស់ប្រកប ដោយភាពសប្បាយរីករាយនិងសិរីមង្គល ដើម្បីស្វាគមន៍ការមកដល់ឆ្នាំថ្មីឆ្នាំខាលតាមចន្ទគតិចិន ។
ឆ្នាំ២០២២នេះ គឺជាលើកទី៤០ដែលស្ថានីយទូរទស្សន៍មជ្ឈិមចិនរៀបចំធ្វើរាត្រី សមោសរអបអរសាទរបុណ្យ ចូលឆ្នាំថ្មីចិន ដោយបានប្រើ ប្រាស់អេក្រង់ LED ជាលើក ដំបូង ហើយប្រើប្រាស់បច្ចេក វិទ្យាចក្ខុវិញ្ញាណ XR និង AR ដើម្បីនាំមកនូវចំណីចក្ខុយ៉ាងពេញលក្ខណៈដល់ទស្សនិក ជន ។ ប្រព័ន្ធសារព័ត៌មានចំនួនជាង៦រយ ដែលមកពីប្រទេសនិងតំបន់ជាង១៧០ នៅទូទាំងពិភពលោកបានធ្វើការផ្សាយផ្ទាល់និងផ្សាយ ដំណឹងអំពីរាត្រីសមោសរអបអរសាទរបុណ្យចូលឆ្នាំថ្មីចិនលើកនេះ ៕
information.gov.kh
