ការរឹតបន្តឹង អនុវត្តច្បាប់ ស្តីពីចរាចរណ៍ផ្លូវគោក

3 years ago adm

ចេញផ្សាយថ្ងៃអង្គារ៍ ៧រោច ខែជេស្ឋ ឆ្នាំខាល ចត្វាស័ក ព.ស ២៥៦៦, ត្រូវនឹងថ្ងៃទី២១ ខែមិថុនា ឆ្នាំ ២០២២

តាមការជូនដំណឹងរបស់លោកវរសេនីយ៍ទោ ម៉ាន សុផាណា នាយនគរបាលនៅ នាយកដ្ឋាននគរបាលចរាចរណ៍ និង សណ្ដាប់ធ្នាប់ តាមតេឡេក្រាម បញ្ជាក់ច្បាស់ថា ៖ សូមផ្នែកទិន្នន័យ និង នាយការិយាល័យនគរបាលចរាចរណ៍ទូទាំង២៥រាជធានី-ខេត្ត អនុវត្តន៍តាមគោលការណ៍ណែនាំថ្មីរបស់ ឯកឧត្ដមនាយឧត្ដមសេនីយ៍ អគ្គស្នងការរងនគរបាលជាតិទទួលបន្ទុកចរាចរណ៍ ក្នុងស្មារតីប្រជុំកាលពីថ្ងៃទី ១៧ ខែ មិថុនា ឆ្នាំ ២០២២ ។
ដូច្នេះ ក្រោយពីថ្ងៃទី ១៧ ខែ មិថុនា ឆ្នាំ ២០២២ នគរបាលចរាចរណ៍ទូទាំងប្រទេស ត្រូវចូលរួម អនុវត្តន៍តាមគោលការណ៍ថ្មីនេះ ។
ចំពោះបទល្មើស រថយន្ដមាន ៩ ចំណុច អនុញ្ញាតអោយអប់រំ ណែនាំ ៥ ចំណុច ដែលមានក្នុងរង្វង់ក្រហម ។
ចំពោះបទល្មើសម៉ូតូមាន ៧ចំណុច អនុញ្ញាតអោយអប់រំ ណែនាំ ៤ ចំណុច ដែលមានក្នុងរង្វង់ក្រហម ។
បេីថ្ងៃនេះតទៅនៅមានមន្ត្រីចរាចរណ៍រូបណា នៅឆ្លៀតផាកពិន័យ ឬ រករឿង អំពីចំណុចដែលថ្នាក់លេីណែនាំ សូមផ្ដល់ព័ត៌មានតាមតេឡេក្រាមលេខ ០១២ ៩៣៣ ៨៨៣ បញ្ជាក់អំពីទីតាំង និង ប្រភេទបទល្មើសអោយបានច្បាស់លាស់ ។
សូមចូលរួមគោរពច្បាប់ចរាចរណ៍ ទាំងអស់គ្នា ដេីម្បីសុវត្ថិភាពគ្រួសារយេីង សង្គមជាតិយើង