សាលាដំបូងរាជធានីភ្នំពេញ៖បានបន្តបើកសវនាការលើសំណុំរឿង លោក កឹម សុខា អតីតប្រធានគណៈសង្គ្រោះជាតិពាក់ព័ន្ធពីបទ.សន្និដ្ឋិភាពជាមួយបរទេស
ចេញផ្សាយថ្ងៃព្រហសត្បិ៍ ៩រោច ខែជេស្ឋ ឆ្នាំខាល ចត្វាស័ក ព.ស ២៥៦៦, ត្រូវនឹងថ្ងៃទី២៣ ខែមិថុនា ឆ្នាំ ២០២២
សាលាដំបូងរាជធានីភ្នំពេញ៖បានបន្តបើកសវនាការលើសំណុំរឿង លោក កឹម សុខា អតីតប្រធានគណៈសង្គ្រោះជាតិពាក់ព័ន្ធពីបទ.សន្និដ្ឋិភាពជាមួយបរទេស.
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២២ ខែមិថុនា ឆ្នាំ២០២២ បានបន្តបើកសវនាការលើសំណុំរឿង លោក កឹម សុខា អតីតប្រធានគណៈសង្គ្រោះជាតិ ពាក់ព័ន្ធពីបទ.សន្និដ្ឋិភាពជាមួយបរទេស ដើម្បីសាកសួរបន្ថែមមុនសម្រេចអង្គសេចក្តី ដែលសវនាការនេះ បានធ្វើឡើងជាច្រើនលើកមកហើយ ។ លោក កឹម សុខា ជាជនជាប់សង្ស័យបានមានវត្តមានមុខរង្វង់ក្រចកសេះ ក្រោមការសាកសួរដេញដោលពីសំណាក់អង្គសវនា កាលពីម៉ោង៨កន្លះព្រឹក រហូតដល់ម៉ោង១២កន្លះថ្ងៃត្រង់ ទើបត្រូវបានសម្រាក ប្រធានក្រុមប្រឹក្សាជំនុំជម្រះបានប្រកាសលើកពេលសវនាការទៅថ្ងៃទី២៩ ខែមិថុនា ខាងមុខទៀត ។
វត្តមានជនសង្ស័យលោក កឹម សុខា ធ្វើដំណើរតាមរថយន្តម៉ាកសឺដេស ពណ៌ខ្មៅ១គ្រឿង និងមានអង្គរក្សចំនួន៨នាក់ អមតាមពីក្រោយ ជាមួយសកម្មជនមួយចំនួនទៀត ដោយមធ្យោបាយរថយន្ត២គ្រឿង និងម៉ូតូប្រមាណ១០គ្រឿង ។ សមាសភាពចូលរួមសវនាការមាន តំណាងទូត អង្គទូត អង្គការសង្គមស៊ីវិល មជ្ឃមណ្ឌលស្ត្រីកម្ពុជា អង្គការសិទ្ធិមនុស្ស អ្នកសារព័ត៌មានជាតិ និងអន្តរជាតិ គណបក្សនយោបាយខ្មែរ មន្ត្រីអង្គការលីកាដូ ។ល។ នៅក្រៅបរិវេនសវនាការសាលាដំបូងរាជធានីភ្នំពេញ ក៏មានអតីតសកម្មជនអ្នកគាំទ្រប្រមាណជិត១០០នាក់ ដែលមកពីតាមបណ្តាខេត្តតាកែវចំនួន២១នាក់ មកពីខេត្តត្បូងឃ្មុំចំនួន១៥នាក់ មកពីខេត្តកំពង់ស្ពឺចំនួន១១នាក់ មកពីខេត្តកណ្តាលចំនួន២០នាក់ និងមកពីខេត្តកំពតមានចំនួន១៨ នាក់ ។
ហើយក៏មានអ្នកសារព័ត៌មាន មន្ត្រីអង្គការសង្គមស៊ីវិលឃ្លាំមើលសង្គម តំណាងស្ថានទូត មន្ត្រីអង្គការសង្គមស៊ីវិលចូលសង្កេតការណ៍ផងដែរ ។ នៅជំវិញបរិវេណសាលាដំបូង ក៏មានកម្លាំងសមត្ថកិច្ច អាជ្ញាធរមូលដ្ឋានខណ្ឌ៧មករា ដាក់យាមកាមការពារសន្តិសុខ និងសណ្ដាប់ធ្នាប់ រហូតដល់ចប់សវនាការ ដោយពុំកើតមានបាតុភាពអ្វីគួឲ្យកត់សម្គាល់នោះឡើយ ៕
ទំនាក់ទំនងការផ្សាយ៖ 077 949441 – 096 994 9441 – 071 223 1111
