កីឡាករជិះកង់៤៥៣នាក់ចូលរួមប្រណាំងកង់ភ្នំ WURKZ MTB ជុំទី២
ចេញផ្សាយថ្ងៃចន្ទ ៦កើត ខែអាសាឍ ឆ្នាំខាល ចត្វាស័ក ព.ស ២៥៦៦, ត្រូវនឹងថ្ងៃទី៤ ខែកក្កដា ឆ្នាំ ២០២២
កីឡាករជិះកង់៤៥៣នាក់ចូលរួមប្រណាំងកង់ភ្នំ WURKZ MTB ជុំទី២
ក្រុមហ៊ុន ជីប ម៉ុង សូមជម្រាបជូនដំណឹងដល់អតិថិជនឲ្យបានជ្រាប់ថាព្រឹត្តិការណ៍ WURKZ MOUNTAIN BIKE SERIES រដូវកាល២០២២ ជុំទី២ បានធ្វើឲ្យកក្រើកបរិវេណភ្នំជាល ស្ថិតក្នុងឃុំស្គុះ ស្រុកសំរោងទង ខេត្ត កំពង់ស្ពឺកាលពីថ្ងៃអាទិត្យ ដោយមានកីឡាករប្រមាណ៤៥៣នាក់បានចូលរួម ដើម្បីហ្វឹកហាត់ពង្រឹងសមត្ថភាព ព្រមទាំងទទួលបានបទពិសោធន៍ថ្មីនៃការជិះកង់ឆ្លងកាត់ឧបសគ្គ។
នេះគឺជាព្រឹត្តិការណ៍ប្រណាំងកង់ភ្នំដែលមានវិញ្ញាសារប្រកួត ១៤ផ្សេងគ្នា បើកស្វាគមន៍ដល់មហាជនគ្រប់រូបធ្វើការប្រកួតជិះកង់ឆ្លងកាត់ ឧបសគ្គ ដូចជាការជិះឡើងភ្នំ ចុះភ្នំ ជិះកាត់ផ្លូវគ្រោះ និងផ្លូវរអិលមុនដល់ទីផ្តាច់ព្រ័ត្រដើម្បីទទួលបានពាន់រង្វាន់។
លោក Pierre Yves Catry ស្ថានិកកម្មវិធីប្រណាំងកង់ភ្នំ និងជាតំណាងអ្នករៀបចំកម្មវិធី FLYING BIKES2 ឲ្យដឹងថានៅជុំទី២នេះមានអ្នកចូលរួមសរុប៤៣០នាក់ រួមមានកីឡាករអាជីព អ្នកចូលចិត្តជិះកង់ ព្រមទាំងបុគ្គលិកនៃក្រុមហ៊ុន ជីប ម៉ុង ដោយក្នុងនោះចំនួនកីឡាករវ័យក្មេងក្នុងវគ្គនេះមានការកើនឡើងយ៉ាងគួរឲ្យកត់សម្គាល់បើធៀបទៅនឹងវគ្គមុនៗ។
លោកបន្ថែមថា ក្រៅពីអ្នកចូលរួមប្រណាំងកង់ ក៏មានអ្នកទស្សនាជាច្រើនរយនាក់ផងដែរធ្វើឲ្យកក្រើកបរិវេណភ្នំជាលជាមួយនឹងសម្លេងស្រែកហូកញ្ច្រៀវពោរពេញដោយថាមពលនៅជុំវិញទីលានប្រកួតផ្តល់ភាពសប្បាយរីករាយជាខ្លាំង ខណៈព្រឹត្តិការណ៍នេះពិតជាមានសារៈសំខាន់ខ្លាំងបំផុតសម្រាប់កីឡាករធ្វើការហ្វឹកហាត់ពង្រឹងសមត្ថភាព។
ជាមួយគ្នានេះដែរ អ្នកស្រី គង់ កុសល នាយិកាផ្នែកទីផ្សារក្រុមហ៊ុន ខ្មែរ ប៊ែវើរីជីស បានមានប្រសាសន៍ថា៖ «នេះគឺជាឆ្នាំទី២ហើយដែលភេសជ្ជៈប៉ូវកម្លាំង វើក របស់ ខ្មែរ ប៊ែវើរីជីស បានឧបត្ថម្ភផ្តាច់មុខនាំយកព្រឹត្តិការណ៍នេះមកជូនបងប្អូនកីឡាករ ដែលបង្ហាញពីការប្តេជ្ញារបស់ក្រុមហ៊ុនក្នុងការចូលរួមលើកស្ទួយវិស័យកីឡាកង់ភ្នំខណៈការប្រកួតស៊ីហ្គេមនឹងមកដល់ឆ្នាំ២០២៣នេះហើយ»។
អ្នកស្រីបន្តថា ព្រឹត្តិការណ៍ WURKZ MOUNTAIN BIKE SERIES រដូវកាល២០២២ មានសរុបចំនួន៥ជុំ ដោយជុំទី១ធ្វើឡើងកាលពីថ្ងៃទី១ ខែឧសភា នៅខេត្ត កំពត ជុំទី២ថ្ងៃទី៣ ខែកក្កដា នៅភ្នំជាល ជុំទី៣ថ្ងៃទី១៦ ខែតុលា នៅភ្នំគូលែនខេត្ត សៀមរាប ជុំទី៤ ថ្ងៃទី២០ ខែវិច្ឆិកា នៅព្រែកលៀប និងជុំទី៥ ថ្ងៃទី១៨ ខែធ្នូ នៅឧទ្យានជាតិគិរិរម្យ។ ដូច្នេះ លោកអ្នកដែលមិនទាន់បានចូលរួមព្រឹត្តិការណ៍នេះនៅជុំកន្លងទៅ ក៏នៅមានឱកាសចូលរួមនៅជុំបន្ទាប់ផងដែរ។
ភេសជ្ជៈប៉ូវកម្លាំង វើក តែងតែផ្សារភ្ជាប់ជាមួយនឹងសកម្មភាពកីឡារព្រមទាំងចូលរួមឧបត្ថម្ភព្រឹត្តិការណ៍កីឡារសំខាន់ៗដូចជា កីឡារជិះកង់ភ្នំ ប្រដាល់ជាដើមដែលទាមទាការប្រើប្រាស់ថាមពលខ្លាំង និងការតស៊ូអត់ធ្មត់ខ្ពស់បំផុត។
ប្រភព៖ information.gov.kh
ទំនាក់ទំនងការផ្សាយ៖ 077 949441 – 096 994 9441 – 071 223 1111
