លោកតាអាយុ៦៩ឆ្នាំម្នាក់រន្ទះបាញ់ស្លាប់
ចេញផ្សាយថ្ងៃព្រហស្បតិ៍ ១១កើត ខែអស្សុជ ឆ្នាំខាល ចត្វាស័ក ព.ស ២៥៦៦, ត្រូវនឹងថ្ងៃទី៦ ខែតុលា ឆ្នាំ ២០២២
លោកតាអាយុ៦៩ឆ្នាំម្នាក់រន្ទះបាញ់ស្លាប់
ខេត្តស្វាយរៀង៖ នៅវេលាម៉ោង ៣ និង ៣៨នាទីល្ងាច ថ្ងៃពុធ ទី៥ ខែតុលា ឆ្នាំ២០២២ មានករណីរទះបាញ់មនុស្សនៅជុំគ្នាក្រោមដើមអាកាស្យាទាំងអស់៦នាក់ តែអនិច្ចា
ស្លាប់តែ លោកតាម្នាក់ឈ្មោះ ឃឹម សាន អាយុប្រហែល៦៩ឆ្នាំ ចំណែកមនុស្ស៥នាក់ផ្សេងទៀតរងរបួសធ្ងន់ និងស្រាលយកទៅសម្រាកព្យាបាលនៅឯមន្ទីរពេទ្យ។
បន្ទាប់ពីបានទទួលព័ត៌មានពីប្រជាពលរដ្ឋភ្លាម កំលាំងសមត្ថកិច្ចជំនាញក៏បានចុះមកពិនិត្យ
និងធ្វើកោសលវិច្ច័យរួចលទ្ធផលឃើញថាសពលោកតាពិតជាបានស្លាប់ដោយសាររន្ទះបាញ់មែន
សមត្ថកិច្ចក៏ប្រគល់សពជូនក្រុមគ្រួសារដើម្បីរៀបចំធ្វើពិធីបុណ្យតាមប្រពៃណីខ្មែរយើង។
ទីតាំងកើតហេតុស្ថិតនៅភូមិរោទិ៍ ឃុំញ័រ ស្រុកំពង់រោទិ៍ ខេត្តស្វាយរៀង។
គួបញ្ជាក់ផងដែរថា កាលពីថ្ងៃទី៤ ខែតុលា ឆ្នាំ២០២២នេះ ក្រសួងធនធានទឹក និង ឧតុនិយម
បានចេញសេចក្តីជូនដំណឹង៖ ស្តីពី ស្ថានភាពធាតុអាកាស (ចាប់ពីថ្ងៃទី៥ ខែតុលា ដល់ ថ្ងៃទី១១ ខែតុលា ឆ្នាំ២០២២)
ប្រព័ន្ធសម្ពាធទាប(ITCZ) បន្តអូសបន្លាយលើកម្ពុជាជាមួយនិងខ្យល់មូសុងនិរតីខ្សោយ ទន្ទឹមនោះការជួបប្រសព្វគ្នារវាងទ្រនុងសម្ពាធខ្ពស់ពីប្រទេសចិន(ភាគខាងជើង)និងសម្ពាធទាបដែលរុញពីក្រោមក៏មានឥទ្ធិពលលើកម្ពុជាផងដែរ។
យោងលើស្ថានភាពធាតុអាកាសដូចបានជម្រាបជូនខាងលើសូមអាជ្ញាធរដែនដី និងសាធារណជនជ្រាបជាព័ត៌មាន និងបង្កើនការប្រុងប្រយ័ត្នចំពោះបាតុភូតធម្មជាតិ
ដែលអាចកើតមានឡើងជាយថាហេតុ។
រាយការដោយ៖លោក យា ធារី(ឯករាជ26)
ភ្នាក់ងារ សារព័ត៌មាន 7makaranews ប្រចាំខេត្តស្វាយរៀង
ចេញផ្សាយថ្ងៃទី៥ ខែតុលា ឆ្នាំ២០២២
ទំនាក់ទំនងការផ្សាយ៖ 077 949441 – 096 994 9441 – 071 223 1111
