ទម្នាស់ពាក្យសំដីក្លាយជាហិ..ង្សាចៅសង្កាត់រងស្រវឹងស្រាទាញកែវគប់តា បណ្តាលអោយបែកក្បាលហូរឈា..មស្រោចពេញមុខ

ខេត្តមណ្ឌលគិរី÷ ចរិតហិ..ង្សារបស់មន្ត្រីរាជការក្នុងតួនាទីជាចៅសង្កាត់រង នៃសង្កាត់រមនា បានប្រើអំពើហិង្សាដោយទាញកែវស្រាគប់ទៅលើបុរសចំណាស់ម្នាក់ដែលជាជនជាតិព្នងរួមតុផឹកស៊ីបណ្ដាលឲ្យបែកក្បាលរងរបួសធ្ងន់ នៅវេលាម៉ោង៨ និង៣០នាទីយប់ថ្ងៃទី១៣ ខែ ឧសភា ឆ្នាំ២០២៣ នៅភូមិពូត្រុំក្រុម១ សង្កាត់រមនា ក្រុងសែនមនោរម្យ ខេត្តមណ្ឌលគិរី។

យ៉ាងណាមិញ បន្ទាប់ពី លោក ហួរ ណារិន (ចៅសង្កាត់រង) ប្រើហិ..ង្សា បណ្តាលអោយមានអ្នករងរបួសធ្ងន់ យ៉ាងណាក៏ដោយមហាជនមិនឃើញមានអាជ្ញាធរ ឬសមត្ថកិច្ចណាមានចំណាត់ការផ្លូវច្បាប់លើជនបង្កររូបនោះដែរ។

បើតាមប្រភពព័ត៌មានបានឱ្យដឹងថា នៅវេលាម៉ោង៨ និង៣០នាទីយប់ថ្ងៃទី១៣ ខែ ឧសភា ឆ្នាំ២០២៣ មានកម្មវិធីផឹកស៊ីមួយបានរៀបចំឡើង នៅចំណុចផ្ទះឈ្មោះ មើក ងឿន ស្ថិតនៅភូមិពូត្រុំក្រុម១ សង្កាត់រមនា ក្រុងសែន មនោរម្យ ខេត្តមណ្ឌលគិរី។ កម្មវិធីផឹកស៊ីសប្បាយដែលមានការចូលរួមពីលោកចៅសង្កាត់រងនៃសង្កាត់រមនា ហាក់ដូចជាប្រព្រឹត្តទៅយ៉ាងរីករាយប៉ុន្តែស្រាប់តែមានទំនាស់ពាក្យសម្ដីរវាងអ្នកចូលរួមក្នុងកម្មវិធីនិងបុរសតួនាទីជាចៅសង្កាត់រងបានផ្ទុះឡើង។

របាយការណ៍សមត្ថកិច្ចបានឲ្យដឹងថា ទំនាស់ពាក្យសម្ដីតឹងសរសៃក នៅកម្មវិធីផឹកស៊ីបានកើតឡើងរវាងលោកចៅសង្កាត់រងនិងបុរសចំណាស់ម្នាក់ដែលជាជនជាតិព្នង ដែលធ្វើឲ្យលោក ហួរ ណារិន នៅសង្កាត់រងសង្កាត់រមនា ទាញកែវស្រាគប់ទៅ លើឈ្មោះជ្រាង ណើប ភេទ ប្រុស អាយុ ៦៣ ឆ្នាំបណ្ដាលឱ្យរងរបួសក្បាលហូរឈា..មស្រោចពេញមុខ។ របាយការណ៍សមត្ថកិច្ចបានបញ្ជាក់ថា ជនរងគ្រោះមានឈ្មោះជ្រាង ណើប ភេទប្រុសអាយុ ៦៣ ឆ្នាំ ជនជាតិ ព្នង មុខរបរមន្ត្រីចូលនិវត្ត៍មានទីលំនៅ ភូមិស្វាយចេក សង្កាត់សុខដុម ក្រុងសែនមនោរម្យ ខេត្ត មណ្ឌលគិរី ។

រីឯជនបង្កឈ្មោះ ហួរ ណារិន ភេទ ប្រុស អាយុ ៤៣ឆ្នាំ ជនជាតិ ព្នង មុខរបរ ចៅសង្កាត់រងរមនា មានទីលំនៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី។

ប្រភពបានឱ្យដឹងថា ករណីអំពើហិ..ង្សានេះកើតឡើងដោយសារតែទំនាស់ពាក្យសម្ដីពេលផឹកស៊ីស្រវឹង។ បើទោះជាជនរងគ្រោះរងរបួសធ្ងន់យ៉ាងណាក៏ដោយ ក៏សមត្ថកិច្ចមិនចាប់ខ្លួនលោកហួរ ណារិនបញ្ជូនទៅចាត់ការតាមច្បាប់នោះដែរ។ តើមូលហេតុអ្វីបានជាអាជ្ញាធរមានសមត្ថកិច្ចមិនចាត់វិធានការចំពោះករណីហិង្សានេះ ឬមួយខ្លាចអំណាចលោកហួរ ណារិនចៅ សង្កាត់រងរមនានោះ ។