ឯកឧត្តម នាង ផាត បានអញ្ជើញទទួលរថយន្តវ៉ាក់សាំងកូវីដ- ១៩ ចំនួន១០គ្រឿង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី

ភ្នំពេញ៖ ចេញផ្សាយ ថ្ងៃច័ន្ទ ១១រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ៥ ខែ កក្កដា ឆ្នាំ២០២១។

ភ្នំពេញ៖ ឯកឧត្តម នាយឧត្តមសេនីយ៍ នាង ផាត រដ្ឋលេខាធិការប្រចាំការក្រសួងការពារជាតិបានអញ្ជើញទទួលរថយន្តវ៉ាក់សាំងកូវីដ- ១៩ ចំនួន១០គ្រឿង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី ជូនទៅក្រសួងការពារជាតិ នៅឃ្លាំងឱសថកណ្តាល (CMS) នាព្រឹកថ្ងៃទី០៥ ខែកក្កដា ឆ្នាំ២០២១នេះ ដែលមានការអញ្ជើញប្រគល់ជូនដោយ លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មាការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ដើម្បីបម្រើក្នុងយុទ្ធនាការចាក់វ៉ាក់សាំងកូវីដ១៩ទូទាំងប្រទេសរបស់ក្រសួងការពារជាតិ។